اللى خايف على حبه يدخل بسرعه

ازاى ياترى تحافظ على حبك وتخاف على اللى بتحبه ومن ايه بالضبط

انا هقولك على اكثر 7حاجات ممكن تأثر فى اى حب وممكن كمان تقتله وتنهيه للابد

ااحذر جدا من السخرية والاستهزاء وجرح المشاعر والسخرية من مظهر حبيبك لانها بتولد بعد فترة حتى ولو بالهزار مشاعر الكراهية لانها طبعا بتقلل من شان الطرف الاخر..

احفظ دايما كرامتك وكرامة حبيبتك فى حضورها وغيبتها وحسسها بقيمتها وكذلك هى برضه...

اوعى تنشغل عن اللى بتحبه مهما كانت ظروفك لان بعد شوية هاتحس ان فيه حاجة حصلت جواك وجواها الفتور بدا يدب حافظ دايما على الطيف المستمر فى خيالك وخيالها ولو ميسد كول او مكالمة صغيرة

نيجى لاهم حاجة الغيرة لو زادت عن حدها هاتبقى زى الشرارة اللى كبرت وولعت فى كل حاجة هاتوصل لحد العنف والتكذيب والشك وقول على اى حب السلام بسبب الغيرة
بعد كدة فى خطر داهم فى اى علاقة سوية وخاصة الزواج وهى النصايح اللى الزوجة بتسمعها من زميلاتها الحكاية اللى بتعمل تشويش على الدماغ واهم حاجة تثبت انها غلط ان كل واحد فى الدنيا واى علاقة ليها ظروفها الخاصة وماينفعش ابدا اللى ينفع مع صاحبتك ينفع معاكى

عدم التهرب من اهم السلوكيات فاذا كان لحبيبك اى طموحات او احلام تحتاج للمساندة وسعادتك مش فى دماغ هايحس انك مش مقدراه .... لو سمحتى شجعيه ولو بكلمة

التسلط والديكتاتورية برضه حاجة مزعجة جدا وبتهدد اى حب والغريب ان بعض البنات بتفتكر انها لما تملك كل حاجة فى الجواز هاتبقى فى امان ماتعرفش انها بكرة عايزة تبقى راجل
اخر حاجة اوعوا من الشكوى المستمرة الشكوى بتاخد من رصيد النخاع جواك وتصفيه وميفضلش فيها غير المشاكل والتعب